AUGUSTI duo simul imperare coeperunt primi

AUGUSTI duo simul imperare coeperunt primi

Marcus Philosophus et Verus Commodus. Ael. Spartian. in Aelio Vero: c. 5. Verus certe cum Marco aequale gessit Imperium. Nam ipsi sunt qui primi duo Augusti appellati sunt: et quorum Fastis Consularibus sic nomina praescribuntur, ut dicantur non duo Antonini, sed duo Augusti: tantumque huius rei et novitas et dignitas valuit, ut Fasti Consulares nonnulli ab his sumerent ordinem Consulum. Hoc vult, verum et Marcum primos una aequale gessisse Imperium et simul Augustos appellatos: adeo ut eorum nomina Fastis sic praescriberentur, duo Augusti, non duo Antonim; et per duos Augustos nemo non intelligi sciret Verum Antoninum et Marcum Antoninum, etiamsi Antoninorum nomen appositum non eslet, cum de aliis Augustis accipi non poslet, quam de his duobus, qui primi duo Augusti appellati sunt. Cuius rei novitatem tantum valuisse scribit Spartianus, ut ordo Consulum in quibusdam Fastis sumeretur a duobus Augustis basisque supputationis poneretur Consulatus Marci et Lucii Veri duorum Augustorum; sic ut non solum dicerent, hoc vel illud accidisse annô post Consulatum duorum Augustorum tali, sed etiam priorum temporum res ad nobilissimam hanc Epocham referrent: e. g. Traianum obiisse annô, ante duos Augustos tertiô et quadragesimô. Aliud vero est, cum in Cod. Theodos. et antiquis Inscript. tempus interdum designari non appellationibus Consulum anni currentis, sed hôc modô, post Consulatum Honorii VII. et Theodosii V. A. A. legimus. Vide Salmas. et Casaubon. Not ad Spartian. ut et Marcum ac Verum suô locô.